تنميه شخصية ولدي واخليه قوي في الحق؟؟؟

سلااااام لكل الغاليات اللي نوروا الصفحة...


حابة آخذ رايكم بموضوع شاغلني شوي وهو...ولدي الله يصلحه ويبارك لي فيه
طفل عمره سنتين ونص ..حبوب وذكي ويحب يسولف (اجتماعي جدا) ومطيع ماشاء الله تبارك الرحمن وماهو من الاطفال الاشقياء واللي دايما تفكيرهم في الخراب....ولا يحب المضاربة واللعب الدفش زي بعض الاطفال الله يصلحهم لكن مشكلته مايعرف يدافع عن نفسه لما يتعرض للضرب من اي طفل ويجي يجري عندي واحيانا يردد كلمات مسالمة زي(موشاطر..كذا غلط..حبووو...سلامات فارس) لأني الحمدلله ماعودته على انه ياخذ حقه بالسب واصلا مايعرف كلمات سب وشتم.....بس انا اتضايق لما احس انه انضرب او احد أذاه وما اخذت له حقه منه لأني ابغاه يكون قوي في الحق ومايخاف ويدافع عن نفسه لما يتعرض لأذى ..وانزعج كثير من بعض الاطفال اللي يكون لعبهم عدواني واحس اني نفسي اربيهم واعطيهم على روسهم اذا قربوا من ولدي لأنهم ينبسطون لما يستقوون عليه ..وانا استحي عادة اني اعصب عليهم قدام اهلهم لأني اعتبرهم اطفال بالنهاية واحاول اهاوشهم بأدب لكن احس مافيه فايدة
ياليت تقولوا لي ايش الحل وكيف اقدر انمي شخصية ولدي تجاه المواقف هذه من غير ما اتدخل كل مرة ويصير يعتمد على نفسه في الدفاع بدون مايكون شخص عدواني
علما اني حنوووونة معاه للغاية ونادرا جدا ما اضربه انا او ابوه...
اتمنى اشوف آراءكم